Product details

පූජ්‍ය මාන්තොට්ටම ධම්මානන්ද හිමියන් ශ්‍රී විද්‍යාලංකාර මහ පිරිවෙනේ ප්‍රාචීන පණ්ඩිත මධ්‍යම විභාහගය සමත්ව ප්‍රාචීන පණ්ඩිත අවසාන උපාධි පරීක්ෂණය හදාරමින් සිටිති. එසේම අප ශ්‍රි ලංකා බෞද්ධ හා පාලි විශ්ව විද්‍යාලයේ පාලි ඩිප්ලෝමා, බුද්ධ ධර්ම ඩිප්ලෝමා පරීක්ෂණයෙන්ද ඉහළින්ම සමත්ව, විද්‍යාලංකාර විද්‍යාපීඨයේ ජ්‍යොතිර් විද්‍යාවේදී, වාස්තු විද්‍යාවේදී ශබ්ද ශ්‍රාස්ත්‍රීය විභාහගයෙන් සමත් වූහ. එම දැනුම් සම්භාරය පදනම් කොටගෙන ලෝකස්වභාවය මනුෂ්‍යත්වය සහ බුදුදහම පිළිබඳ වටිනා ග්‍රන්ථයක් සම්පාදනය කොට තිබීම ප්‍රසංශා කළ යුතු කාර්යයකි. උන්වහන්සේගේ ප්‍රථම කෘතිය සිතුවම් සහිත තුන්සූත්‍ර විවරණයයි. එය තුළින් ග්‍රන්ථකරනයට පිවිසියේය.ආකල්ප කුසලතාවයෙන් හෙබි පූජ්‍ය මාන්තොට්ටම ධම්මානන්ද භික්ෂුවට තවත් ධර්ම ශ්‍රාත්‍රිය කටයුතු වල නිරත වීමට ආශිර්වාද කරමින් නිදුක් නිරෝගී සුවපත් භාවය පතමි.