Product details

"විශ්ව ධර්මතාවට අනුව ඔබ යම් තැනක යම් ජීවිතයකට පැමිණියා නම් එහි ඇති පහසුකම් ඔබගේ සුදුසුකම්වලට අනුව ප්‍රයෝජන ගත හැක. එහෙත් නියමිත කාලය හෝ ගෙන ආ පින නිම වූ පසු ඒවා භුක්ති විඳීමට ඔබට නොලැබෙයි. විශ්වයේ ඇති මෙම ධර්මතාව නිවැරදි ලෙස වටහාගැනීමට බැරි වීම නිසා බොහෝ අය දුක් විඳිති. ධර්මය එක එක්කෙනාට බෙදිය හැකි දෙයක් නොවේ. එය එකකි. එක රටකට හෝ එක ජනතාවකට හෝ එක විදියකටත් තවත් රටකට හෝ තවත් සමාජයකට තවත් විදිහකටත් තිබිය නොහැක. එක එක්කෙනාගේ ආගමික අනන්‍යතාව කුමක් වුවත් ධර්මය වන්නේ එකකි. අධර්මය වන්නේ ද එකකි. කලකදී අභිඥා බලයෙන් කළ දෙයක් තවත් කලකදී බුද්ධිය මෙහෙයවා නිපදවූ යාන්ත්‍රික දේවලින් කරනු දක්නා ලැබේ. "මුගලන් මහරහතන්වහන්සේ වක් කළ අතක් දික්කරන කාලය තුළ මිනිස්ලොව සිට දෙව්ලොවට වැඩම කළ සේක" යන පුවත දෙස සැකයෙන් බලමින් සිටි අයට මෑතකදී අභව්‍යකාශ යානයක නැඟී දවසකට කීපවරක් පෘථිවිය වටා යන මිනිසුන් සියැසින්ම බලාගැනීමට අවස්ථාව සැලසී ඇත