Product details

" ජීවිතය විසින්ම නිර්මාණය කරන ලද කතන්දර වලට වඩා හොඳ කතන්දර තවත් නොමැත "මැක්සිම් ගෝර්කි සඳ සළු යට නවකතා කතු විජයපාල කුඹුකගේ මහතා විදුහල්පතිවරයෙකු, ජ්‍යෙතිර්වේදියෙකු, විෂ වෛද්‍යවරයෙකු, ගුප්ත විද්‍යා චිකිත්සකයෙකු, කවියෙකු වශයෙන් පුරා දශක හය හතක් අත්දැකීම් තුළින් ලබන ලද ජිවිත පරිඥානය අපතේ යන්නට ඉඩ නොදී නවකතා මාධ්‍යයෙන් පාඨක ලෝකයාට දායාද කිරීම පැසසිය යුත්තකි. ඔහුගේ ප්‍රථම නවකතාව වූ අරුණු කන්ද (2008) පරමාදර්ශී විදුහල්පතිවරයෙකු වටා ගෙතුණු අපූරු නිර්මාණයකි. සිය කැමැත්තෙන්ම අතිශයින්ම දුෂ්කර වූ ග්‍රාමීය පාසලකට මාරුවීමක් ලබා යන නවකතාවේ කතෘ නායකයා පළාත් වාසීන්ගේද මැති ඇමතිවරුන්ගේද සහාය ඇතිව එම පාසලත් ගම්මානයත් හැම අතින්ම දියුණු කළ ආකාරය එම නවකතාවෙන් පැහැදිලි වේ. දෙවන නවකතාව වූ අරුණු රැල්ලක් (2010) වැන්දඹු කාන්තාවන්ගේ මානව අයිතීන් සහ නිදහස වෙනුවෙන් මානව දයාවෙන් කළ නිර්මාණයකි