Product details

අපගේ නූතන නවකතා විෂය ක්‍ෂේත්‍රයේ ප්‍රයෝගිකත්වය වෙත නෙත යොමන විට මට නිතැතින්ම සිහිපත් වන්නේ ලංකාවේ දේශපාලන ක්‍ෂේත්‍රයයි. කාලයකට එහි රැල්ල එක් පක්ෂයකට එක දිගටම හමාගෙන යන්නේය. එයට විවිධ හේතු තිබේ. ඒ ගැන මා මීට වඩා කැපවීමට සූදානම් නැත. ලංකාවේ නූතන නවකතාව ද ගලා යන්නේ එවැනි අවිචාරවත් මඟක යැයි මට සිතේ. සම්මාන මෙන්ම මාධ්‍ය ක්‍ෂේත්‍රය ද දිවයන්නේ පෙර මා කී පරිද්දෙනි. සමහර විද්වතුන් නවකතා සම්බන්ධ විවේචනයන් පුවත්පත් වල පළ කර තිබෙනු මම දැක ඇත්තෙමි. ඒ සියල්ලම සීමා වන්නේ ලේඛකයන් සුළුතරයකටය. නවක ලේඛකයින්ගේ නිර්මාණයන් ගැන කිසිදු හැලහොල්මනක් නොමැත. පුවත්පත්වලට ඒවා ගැන ලියූවද, පළවන්නේ ද නැත. විදග්ධයින්ගේ විමර්ශන දෙනෙක් ඒ වෙත යොමු කර ඔවුන් යහමඟ යොමු කිරීමක් ද, සිදු වන්නේ නැත