Product details

නවකතාව ලියූ චාර්ල්ස් ජෝන් ඩිකන්ස් 1812 පෙබරවාරි 7 වෙනි දින බ්‍රිතාන්‍ය ජාතිකයකු වශයෙන් උපත ලැබීය. ඔහුගේ පියා නාවික ගෙවීම් කාර්යාලයේ ලිපිකරුවකු වශයෙන් සේවය කළේය. නමුත් ඔහු ණය ගැති පුද්ගලයකු විය. එබැවින්, චාර්ල්ස් හැදී වැඩුණේ අනාරක්ෂිත පවුලක දරුවකු වශයෙනි. ඔහු කුඩා වියේ සිටියදී පියා අත්අඩංගුවට ගනු ලැබීය. එකල පැවැති පිළිවෙතට අනුව මව තම දරුවන්ද කැටුව සිපිරිගෙදර පදිංචිය සඳහා ගියාය. පවුලේ දෙවන දරුවා වූ චාර්ල්ස් මෙම කාලයේදී කර්මාන්ත ශාලාවක සේවයට ගියේය. සතියකට සිලිං හයක වැටුපක් ලබමින් ඔහු එහිදී කළ රැකියාව වූයේ බෝතල්වල ලේබල් ඇලවීමය. එම මාස කිහිපය සිය ජීවිතයේ අමතක නොවන කටුක කාල පරිච්ඡේදයක් වශයෙන් චාර්ල්ස් මතකයේ රැඳී පවතින බව ඔහු පවසයි