Product details

ප්‍රංශ ජාතික ඇලෙක්සැන්ඩර් ඩූමාස්ගේ නවකතා අතුරෙන් සුවිශේෂ  ‌කෘතියක් වන 'ද බ්ලැක් ටියුලිජ්' නවකතාව බොහෝ පාඨකයන් විසින් අගය කරන ලද කෘතියකි. කතා පුවත කුතුහලයෙන් යුතුව ගොඩ නගා ඇති ඩූමාස් පාඨකයන් ඇද බැඳ තබා ගනිමින් ඔවුන් පිනවීමට සමත් වෙයි.

එකී පුවත සිංහලෙන් කියවන පාඨකයන්ට පහසුවෙන් ග්‍රහණය කරගත හැකි අයුරීන් සිදු කර ඇති මේ පරිවර්තනය බෙහෙවින් අගය කළ හැකි ය. එය කොතරම් හොඳින් පරිවර්තනය කර ඇත්ද යත්, අපට වැටහෙන්නේ එය ස්වතන්ත්‍ර සිංහල කෘතියක් ලෙසිනි. මේ පරිවර්තනය සිදු කරන ඇම්.ඩී. අතුලවංශ මහතා පරිවර්තන කාර්යය පිළිබඳ ඇසූ පිරූ තැන් ඇත්තෙකි. ඔහු විසින් සිංහලට පරිවර්තනය කරන ලද කෙටිකතා බොහොමයක් පුවත්පත්වල පළ වී තිබේ. පේරාදෙණිය විශ්වවිද‍්‍යාලයෙන් ශාස්ත්‍රවේදී (බී.ඒ.) උපාධිය ද පාලි හා බෞද්ධ විශ්වවිද්‍යාලයෙන් ශාස්ත්‍රපති (ඇම්.ඒ.) උපාධිය ද ලද අතුලවංශ  ‌මහතා ශ්‍රී ලංකා රාජ්‍ය ඉංජිනේරු සංස්ථාවේ සහකාර පිරීස් කළමනාකාර සහ නියෝජ්‍ය සාමාන්‍යාධිකාරී (මානව සම්පත් හා පාලන) වැ.බ. ලෙස සේවයේ යෙදී සිට විශ්‍රාම ලැබී ය. සිංහල පාඨකයන් වෙනුවෙන් ඔහු කර ඇති මේ සත්කාර්යය බෙහෙවින් ප්‍රශංසනීය වේ.